Jıynǵa Mádenıet jáne aqparat mınıstrliginiń ókilderi, Qarýly Kúshteriniń ardagerleri, «Jas sarbaz» áskerı-patrıottyq qozǵalysynyń tárbıelenýshileri jáne ózge de qonaqtar qatysty.
«Ardager ósıeti» marafony 25 maýsym men 24 qyrkúıek aralyǵynda ótip, elimizdiń barlyq 20 óńirin qamtydy.
Tórt aı boıy Uly Otan soǵysy ardagerleriniń ósıet-hattary jınaqtaldy. Bastamanyń maqsaty – urpaqtar sabaqtastyǵyn nyǵaıtý, tarıhı qundylyqtardy saqtaý jáne nasıhattaý.
Marafon qorytyndysy boıynsha ardagerlermen túsken estelik fotosýretter men bar aqparat «Batyrlarǵa taǵzym» portalyna júktelip, ósıet hat Áskerı-tarıhı mýzeı qoryna tabystaldy.
Tarazdaǵy áskerı mektep-ınternatqa Baýyrjan Momyshulynyń esimi beriledi
Sondaı-aq «El úshin týǵan erdiń izi» atty kórme men erlik sabaǵy uıymdastyryldy. Is-shara barysynda mýzeıdiń ǵylymı qyzmetkerleri Baýyrjan Momyshulynyń erligi men soǵystan keıingi ómiri týraly ǵylymı baıandamalar jasady. Budan bólek, B.Momyshulyna arnalǵan arnaıy ekspozısııa jáne jasandy ıntellekt tehnologııasy arqyly batyrdyń daýysy qoldanylǵan aýdıospektakl usynyldy.
Baýyrjan Momyshulyna «Halyq qaharmany» ataǵy resmı túrde berildi
Is-sharany Mádenıet jáne aqparat mınıstrligi men Qarýly Kúshteri Ulttyq áskerı-patrıottyq ortalyǵynyń Áskerı-tarıhı mýzeıimen birlesip uıymdastyrǵan.
