Foto: Kólik mınıstrligi
Tehnıkalyq tekserý nátıjesinde keıbir vokzaldar apatty jaǵdaıda ekeni anyqtalǵan. Mundaı ǵımarattar buzylyp, olardyń ornyna zamanaýı jańa vokzal keshenderiniń qurylysy bastalǵan.
«Baǵdarlama aıasynda vokzal aýmaqtary keńeıtilip, ınjenerlik júıeler jańartylady. Sondaı-aq ǵımarattardyń qasbetteri men ishki kórinisi, kútý zaldary men jolaýshylar platformalary jóndeledi. Sanıtarlyq jaǵdaı men qaýipsizdik deńgeıi de jaqsartylady. Jobany iske asyrý vokzaldardyń ótkizý qabiletin arttyryp, kólik qyzmetiniń sapasyn jaqsartýǵa jáne múmkindigi shekteýli azamattar úshin qoljetimdi orta qalyptastyrýǵa qolaıly jaǵdaı jasaıdy», delingen Kólik mınıstrligi taratqan habarlamada.
Jóndeý jumystaryn «Qazaqstan temir joly» UK» AQ qarajaty esebinen oblystyq ákimdikter tańdaǵan merdiger uıymdar júrgizip jatyr.
Vokzaldardy qaıta jańǵyrtý aıaqtalǵannan keıin jolaýshylar zamanaýı kútý zaldaryn, jańartylǵan aqparattyq jáne navıgasııalyq júıelerdi paıdalana alady.
Aıta keteıik, el aýmaǵynda qalyptasqan qolaısyz aýa raıyna baılanysty «Jolaýshylar tasymaly» kompanııasy qosymsha poıyzdardy iske qosty.
