Foto: instagram.com/Canyama
Málimetterge sáıkes, Ystanbul prokýratýrasynyń tapsyrmasymen qaladaǵy toǵyz túngi klýbta reıd uıymdastyrylǵan. Tekserý kezinde oıyn-saýyq oryndarynyń birinen akter Djan Iаmannyń janynan esirtki zattary tabylǵan.
Arnaıy operasııa barysynda barlyǵy jeti adam ustalǵan. Olardyń qatarynda aktrısalar Selen Gıorgıýzel men Aıshe Saglam, sondaı-aq túngi klýbtardyń ıeleri, menedjerleri jáne medıa salasynyń ókilderi bar.
Buǵan deıin basylymdarda Djan Iаmanǵa qatysty esirtki qoldandy degen mazmundaǵy shaǵymdar men kýálikter túskeni habarlanǵan. Alaıda tergeý aıasynda prokýratýra akterdi ustaý týraly arnaıy order bermegeni atap ótilgen.
Soǵan qaramastan, jandarmerııa júrgizgen tintý nátıjesinde Djan Iаman ustalǵan. Aqparatqa sáıkes, ol jáne Selen Gıorgıýzel sot-medısınalyq mekemege qan taldaýyn tapsyrý úshin jetkiziletin bolady.
36 jastaǵy akter «Erte kelgen qus», «El Týrko», «Mıster Qate» jáne ózge de telehıkaıalardaǵy rólderi arqyly keńinen tanymal.
Aıta keteıik, buǵan deıin túrik buqaralyq aqparat quraldary Ystanbul prokýratýrasy zańsyz esirtki aınalymyna qatysty is boıynsha tergeý júrgizip jatqanyn, onyń aıasynda tanymal tulǵalarǵa qatysty ustaý týraly qaýlylar shyǵarylǵanyn habarlaǵan. Tergeý 2025 jylǵy 8 qazanda bastalyp, ondaǵan tanymal adamnan jaýap alynǵan.
Buǵan deıin memleketke mıllıard teńgeden astam shyǵyn keltirgen kúdikti Grýzııada ustaldy.
