Foto: Eńbek jáne halyqty áleýmettik qorǵaý mınıstrligi
Statıstıka sóılesin
595,6 myń tapsyrystyń ishinde shamamen 440 myń múgedektigi bar adam ońaltýdyń tehnıkalyq quraldaryn (OTQ), 9,8 myńy – ymdaý tili qyzmetin, al 26,5 myńy – jeke kómekshiniń qyzmetin, 119,3 myńy – shıpajaılyq-kýrorttyq emdeý qyzmetin alǵan.
Sıfrlyq qoltańbamen rastalady
Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady.
Ońaltý quraldary
Múgedektigi bar adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy.
Portalda qansha qyzmetshi bar?
Búginde Portalda 595 arnaýly áleýmettik qyzmet kórsetýshi, 1084 OTQ jetkizýshisi, 32 myńnan astam jeke kómekshi, 766 ymdaý tili jáne 124 shıpajaılyq-kýrorttyq emdeý qyzmetterin usynýshy tirkelgen.
Eske salaıyq, múmkindigi shekteýli jandarǵa 2025 jyly neshe teńge járdemaqy berilgeni týraly jazǵanbyz.
