H.Dospanova atyndaǵy Atyraý halyqaralyq áýejaıynyń ınjeneri Andreı Vengrınıýktiń aıtýynnsha, 14 qańtardan beri jolaqta kóktaıǵaq bastalǵan.
«Halyqaralyq azamattyq avıasııa komıtetiniń (IKAO) kodyna sáıkes jolaqtaǵy ahýal «nóldik» deńgeıde baǵalanyp otyr. Sol sebepten, qaýipsizdik maqsatynda reıster ýaqytsha toqtatyldy. Qaýipsizdik sharalary kúsheıtildi. Negizgi maqsat – jolaýshylardyń qaýipsizdigin qamtamasyz etý, áýe kemelerin qaýipsiz qabyldaý jáne ushyrý. Qazir áýejaı qyzmetkerleri kúsheıtilgen rejımde jumys isteýge kóshirildi. Atyraýdan ózge qalalarǵa reısterdi qaýipsiz ushýǵa daıyndap jatyr. Jolaqtaǵy qardy kúreýge arnaıy tehnıkalar tartyldy», deıdi Andreı Vengrınıýk.
Eske salaıyq, búgin Atyraý áýejaıynda áýe reısteri jappaı keshigip jatqanyn habarlaǵan edik.
