Foto: Konstıtýsııalyq sottyń telegram arnasy
Májilis depýtaty «Konstıtýsııalyq qurylys negizderi» ataýynyń jalpyǵa birdeı tanylǵan quqyqtyq kategorııa ekenin atap ótti.
Konstıtýsııalyq reforma: Ata zańnyń qaı baptary qaıta qaralady?
Onyń aıtýynsha, «Konstıtýsııalyq qurylys negizderi» uǵymy memlekettiń damý baǵytyn aıqyndaıtyn negizgi qaǵıdattar men bazalyq erejelerdiń jıyntyǵyn bildiredi. Al «Jalpy erejeler» ataýy beıtarap ári sıpattamalyq sıpatqa ıe bolyp, konstıtýsııalyq-quqyqtyq turǵydan alǵanda osy bólimde qamtylǵan normalardyń ıerarhııalyq mańyzyn tolyq ashpaıdy.
Onyń pikirinshe, bólim ataýyn ózgertý onda bekitilgen qaǵıdattardyń normatıvtik mártebesin kúsheıtip, olardy konstıtýsııalyq baqylaý júrgizý barysynda jáne quqyqtyq túsindirý kezinde neǵurlym naqty ári birizdi qoldanýǵa múmkindik beredi. Sonymen qatar bul normalardyń tek deklaratıvti sıpatta qabyldaný qaýpin azaıtady.
Konstıtýsııalyq reforma: «Quryltaı» men «Halyq keńesiniń» ókilettigi talqylandy
«Bul quqyqtyq kollızııalardy sheshýde aıryqsha mańyzǵa ıe. Sebebi konstıtýsııalyq qurylys negizderin aıqyndaıtyn normalar Konstıtýsııanyń ózge erejeleri men qoldanystaǵy zańnamaǵa qatysty basymdyqqa ıe bolýǵa tıis. Osy turǵydan alǵanda, quqyqtyq logıka men aıqyndyq qaǵıdattaryna sáıkes «Konstıtýsııalyq qurylys negizderi» ataýyn qoldaný oryndy», dedi Snejanna Imasheva.
