vıdeodan skrınshot
Áleýmettik jelide taraǵan vıdeodan Chevrolet Cobalt jáne Changan markaly avtokólikterdi jalyn tolyq sharpyǵanyn kórýge bolady.
О́rt kezinde qaza tapqan bes jasar qyzdyń anasy qamaýǵa alyndy
Abaı oblystyq Polısııa departamentiniń baspasóz qyzmetiniń málimetinshe, kúdikti – 66 jastaǵy jergilikti turǵyn, buryn sottalǵan. О́rt qoıý sátinde ol alkogoldik mas kúıde bolǵan.
«Buryn sottalǵan jergilikti turǵyn mas kúıinde ýchaskelik pýnkt mańynda polısııa qyzmetkerlerine tıesili Chevrolet Cobalt jáne Changan avtokólikterin órtep jibergen», dep habarlady vedomstvo ókilderi.
Polısııa qyzmetkerleri oqıǵa ornyna jedel túrde jetip, kúdiktini ustady. Ol ýaqytsha ustaý ızolıatoryna qamaldy. Atalǵan derek boıynsha sotqa deıingi tergep-tekserý bastaldy.
Quqyq qorǵaý organdary kúdiktiniń áreketi memlekettik organǵa tıesili múlikti qasaqana joıý retinde saralanatynyn, bul aýyr qylmystyq jaýapkershilikke ákep soǵatynyn atap ótti.
Atalǵan jaǵdaı qoǵamda keńinen talqylanyp jatyr. Áleýmettik jeli qoldanýshylary polısııa kólikterin órtteý – asa óreskel ári qaýipti qylmys ekenin aıtyp, narazylyq bildirgen. Sarapshylar mundaı oqıǵalar mas kúıinde jasalatyn quqyqbuzýshylyqtardyń aldyn alý jáne buryn sottalǵan azamattarmen profılaktıkalyq jumysty kúsheıtý qajettigin kórsetetinin aıtady.
Qarasý aýdanyndaǵy órtengen úıdi qalpyna keltirý jumysy qalaı júrip jatyr?
