Qazirgi tańda oblystaǵy sport mekemelerinde 27 507 sportshy turaqty túrde jattyǵyp, olarmen 1136 jattyqtyrýshy jumys júrgizip jatyr. О́ńirde sporttyń 88 túri qamtylyp, 858 jambyldyq sportshy túrli deńgeıdegi Ulttyq qurama komandalardyń sapynda óner kórsetip júr.
2025 jyl jambyldyq sportshylar úshin tabysty boldy. Olar respýblıkalyq jáne halyqaralyq jarystarda 1 856 medal ıelendi. Onyń ishinde 686 altyn, 515 kúmis jáne 655 qola júlde bar. О́tken jyldyń basty halyqaralyq dodasy – Tokıoda ótken Sýrdlımpıada oıyndarynda Jambyl oblysynan 12 sportshy 7 sport túrinen synǵa túsip, 1 altyn, 3 kúmis jáne 2 qola medal jeńip aldy.
Oblystyq dene shynyqtyrý jáne sport basqarmasynyń basshysy Ernar Ibraımovtyń aıtýynsha, óńirde sport ınfraqurylymyn damytý jumystary da qarqyn alǵan. Qazirgi tańda oblys aýmaǵynda 2 465 sport nysany jumys istep tur, olardyń barlyǵy turǵyndar úshin tolyqtaı qoljetimdi. 2025 jyly 8 sport nysany men 103 sport alańshasy paıdalanýǵa berilip, nátıjesinde halyqtyń sporttyq ınfraqurylymmen qamtylý deńgeıi 75,4 %-ǵa jetti.
2026 jyly taǵy 13 sport nysanyn paıdalanýǵa berý josparlanyp otyr.
Jambyl oblysy
