Úkimette Soltústik Qazaqstan oblysynyń áleýmettik salasyn damytý máseleleri qaraldy

Keńeske áleýmettik blokqa jaýapty salalyq mınıstr­likterdiń basshylyǵy, son­daı-aq oblys ákimi Ǵaýez Nur­mu­hambetov qatysty. Densaý­­lyq saqtaý salasy boıynsha aýrý­lardyń aldyn alý men olardy erte anyqtaý baǵyttaryn kúsheıtý, onyń ishinde skrı­nıngtik baǵdarlamalardy damytý, sondaı-aq halyq úshin stoma­tologııalyq kómektiń qoljetim­diligin arttyrý máseleleri talqylandy.

Bilim salasynda mektepke deıingi jáne orta bilim berýdiń ózekti máseleleri, pedagog kadrlardy daıarlaý, son­daı-aq ba­la­lardyń qaýipsiz­digin qam­tamasyz etý baǵyttary qaraldy.

Eńbek jáne halyqty áleý­met­tik qorǵaý mınıstrligi baǵy­ty boıynsha áleýmettik sala­nyń Biryńǵaı sıfrlyq platfor­masynyń jumys tıimdiligine taldaý jasaldy.

Ǵylym jáne joǵary bilim máseleleri jeke blok retinde qaralyp, atap aıtqanda, bilim berý tapsyrysyn qalyptastyrý, kadr daıarlaýdyń praktıkaǵa baǵdarlanýy jáne eńbek nary­ǵynyń naqty suranysyna sáıkestigi sóz boldy.

Sonymen qatar óńirde bu­qaralyq sportty damytý, sport­tyq ınfraqurylymnyń qol­­­jetim­diligin arttyrý já­ne týrızm salasyn damytý sha­ra­­lary talqylandy.

Keńes qory­­tyn­dysy boıynsha Aıda Balaeva birqatar naqty tapsyrma berdi.