Yntymaqtastyqqa yntalylylyq

Keshe Májiliste palata Tóraǵasynyń orynbasary S.Dıachenko Estonııa Respýblıkasynyń burynǵy prezıdenti Arnold Rıýıtel bastaǵan delegasııa ókilderimen kezdesti, dep habarlady Májilistiń baspasóz qyzmeti. .S.Dıachenkonyń atap ót­kenindeı, bizdiń memleketimizdiń táýel­sizdik alǵan kúnnen bastap Estonııamen baılanysty da­mytýǵa basa nazar aýdarýynyń nátıjesinde eki el arasyndaǵy túsinistik, syılastyq, óza­ra qoldaý deńgeıindegi yqpal­dastyq kúnnen-kúnge qanat jaıyp keledi. Qazirgi ýaqytta Estonııa – Qa­­zaqstannyń Baltyq aıma­ǵyn­daǵy eń mańyzdy saıası jáne eko­nomıkalyq áriptesteriniń biri. Taraptar qos memleket ara­syndaǵy saýda-ekono­mı­kalyq, tranzıttik baılanysty tereń­detýge, sonyń ishinde, aýyl sharýashylyǵy salasy boıynsha yntymaqtastyqty kúsheıtýge aıryqsha kóńil bóldi. Delegasııa ókilderi óz­deriniń teńiz aılaqtary arqyly Qazaqstannyń álemdik naryqqa shyǵýyna kómektesýge jáne qos memleket arasyndaǵy kásipkerlik salany barynsha qol­daýǵa daıyn ekendikterin jetkizdi. Osy rette joǵary teh­no­logııalyq birlesken kásiporyn jumystaryn jolǵa qoıýdyń mańyzdylyǵy zor bolmaq. Osyǵan oraı estondyq qonaqtar birqatar mańyzdy jobalarymen tanystyrdy. О́z kezeginde mártebeli meı­man Qazaqstannyń erekshe qar­qynmen damyp kele jat­qan memleket ekenin sóz etip, Es­tonııanyń bizdiń elmen qarym-qatynasty odan ári nyǵaıtýǵa yntaly ekenin atap ótti. Jyly shyraıly júzdesý barysynda taraptar qalyptasqan dostyq qarym-qatynasty odan ári tereńdetip, ekonomıkalyq áriptestikti nyǵaıtýdyń múm­kindigi zor ekenin alǵa tartty.