• 27 Aqpan, 2015

Aqparattar aǵyny

220 ret

kórsetildi

2 mın

oqý úshin

Egemen Qazaqstan

*Byltyr memleketimizden 11 mlrd. tekshe metr gaz eksporttaldy. Energetıka mınıstriniń birinshiorynbasary Uzaqbaı Qarabalınniń aıtýynsha, ótken jyly elimizdiń aımaqtary tutynǵan gaz kólemi 12,5 mlrd. tekshe metrge jetken. *Jylqy sharýashylyǵyn damytýǵa baǵyttalǵan nesıeleý mejeden asyp tústi. «Qulan» baǵdarlamasy boıynsha ótken jyly jalpy somasy 3 698 mln. teńgelik nesıe 393 kásipkerge berildi. Bul qarajatqa elimizdegi aýyl sharýashylyǵy taýar óndirýshileri 12 467 bas jylqy, onyń ishinde 11 703 bas bıe men 764 bas asyl tuqymdy aıǵyr satyp alǵan. *Astanada týberkýlezdiń aldyn alý boıynsha aılyq shara bastaldy. Ol 24 aqpan men 23 naýryz aralyǵyn qamtıdy. Qalalyq densaýlyq saqtaý basqarmasynyń habarlaýynsha, elordada atalmysh aılyq aıasynda medısına qyzmetkerleri úshin týberkýlezdi erte anyqtaý jáne aldyn alý boıynsha semınar-trenıngter uıymdastyrylady. Sondaı-aq, turǵyndarǵa flıýorografııalyq tekserýler júrgiziledi. *Almaty óńirinde jańa emhana ashyldy. Qarasaı aýdanynda boı kótergen nysannyń ashylý saltanatyna oblys ákiminiń orynbasary Ǵalymjan Ábdiraıymov qatysty. Eki qabattan turatyn medısına ǵımaraty bir ýaqytta 50-ge jýyq adamdy qabyldaı alady. Munda barlyq jaǵdaı jasalǵan. *Túrkistanǵa Túrkııadan 13 tereń qopsytý tehnıkasy jetkizildi. Ońtústik Qazaqstan oblystyq ákimdiginiń baspasóz qyzmeti atap kórsetkendeı, bul qurylǵylar topyraqty 70-80 sm. tereńdikte qopsytyp, jerdiń tómengi tyǵyzdalǵan qabatyn bosatýǵa tikeleı áser etetin kórinedi. Osylaısha ósimdik tamyrynyń tereń boılaýyna, topyraq ylǵaldyǵynyń uzaq merzimge saqtalýyna yqpal jasaıdy. Nátıjesinde egistiktiń ósip-ónýi jaqsaryp, ónimdiligi artady. *Qaraǵandy oblysynda jylý júıesinsiz balapan bastyratyn qus fabrıkasy jumys isteıdi. Kásiporyn dırektory Ásel Qalıeva málim etkendeı, Germanııanyń tehnologııasymen jabdyqtalǵan fabrıka byltyr 100 mln. dana jumyrtqa óndirgen. Munda jumystyń barlyǵy avtomatty túrde júzege asyrylady. Ol mańaıdaǵy eldi meken turǵyndaryn tolyq jumyspen qamtyp otyr. Máselen, kórshi aýyldaǵy 100 adam osynda eńbek etedi. Habarlar Úkimet, oblystyq ákimdikter saıttary, «QazAqparat» agenttigi men «24kz» telearnasynyń derekteri boıynsha daıyndaldy.