Qaraǵandydaǵy jol jóndeý bıznesti tyǵyryqqa tiredi

QARAǴANDY. 20 qazan. Qaraǵandyda jol jóndeý jumystarynyń jyry uzaqqa sozylyp, sonyń saldarynan kásipkerler shash-etekten zııan shege bastady. Bul týraly zakon.kz saıtyna silteme jasaǵan egemen.kz tilshisi habarlady. Oblys ortalyǵynda jaz boıy júrgizilip jatqan jol jóndeý jumystarynyń «arqasynda» 30-ǵa tarta kásiporyn shyǵynǵa belsheden batqan. Bankrottyqtyń bulty tóngen shaǵyn bıznes nysandarynyń arasynda dúkender men aptekalar jáne dámhanalar bar. Ásirese zardap shekken qaladaǵy kóne kınoteatrlardyń biri eken. Jol jóndeýshiler kınoteatrǵa barar joldyń bárin úsh jarym aıǵa jaýyp tastaǵan. Sonyń kesirinen kórermender sany tórt esege azaıyp, qaryz degen úıilip qalǵan eken. Kınoteatr dırektorynyń aıtýynsha, mekeme búgingi kúnde elimizdegi iri prokat uıymdarynyń aldynda 4 mıllıon teńge, sondaı-aq qyzmetkerleriniń eńbekaqysy boıynsha 4,5 mıllıon teńge qaryzǵa «kirip» ketipti. Qaırat Ábildınov. Derek, sýret: egemen.kz.