Ashattyń «Aınazy» aýyldastaryna qyzmet etedi

Aýyldyq jerlerdegi ózekti má­seleniń biri qoǵamdyq monshanyń joqtyǵy bolatyn. Kóp adamdar tez arada qaıtarym bere qoımaıtyn mundaı áleýmettik jobany qolǵa alýǵa júreksine beretini shyn­dyq. Biraq, bul aýyl turǵyndary úshin asa qajet áleýmettik nysan bolyp tabylady. Árkimniń ózderi salyp alǵan qarabaıyr mon­­shanyń qyzmeti qazirgi óskeleń talap údesinen kórine bermeıtini de ras. Áýelden ártúrli kásippen aı­­nalysyp, tájirıbe jınaǵan kóptoǵaılyq kásipker Ashat Nııazov táýekelge bel býyp, qoǵamdyq mon­sha qurylysyn byltyr qolǵa aldy. Ol bul jobany «Jumys­pen qam­týdyń jol kartasy-2020» baǵdarlamasy arqyly bastady. Osy baǵdarlama arqyly Aýyl sharýashylyǵyn qarjylaı qoldaý qorynan 3 mıllıon teńge nesıege qol jetkizgen Ashat iske birden qul­shyna kirisken bolatyn. Alaıda, jobany júzege asyrý barysynda bul qarjynyń jetpeıtini belgili boldy. Ne istemek kerek? Týabitti birbetkeı minezdi jigit alǵan beti­nen qaıtpady. Alty paıyzdyq je­ńildikpen qarjy bergen baǵdar­lamanyń mindetin oryndap quty­lý úshin bes adamdyq «birdeńe» sala salýǵa namysy jibermedi. Qo­­symsha óz qarjysyn saldy. Oıyn­daǵydaı monsha salý ońaı bolmady, ishki árleý jumystary men qondyrǵylary, basqa da qa­jettilikterge qarjy shash-etekten kerek eken. Osy zamanǵa monshaǵa qajettini túgendeýdiń túbi jetkizer túri kórinbeıdi. Alaıda, namys­ty jigit sheginbedi. «Sheshingen sýdan taıynbastyń» jigerimen kirisken sharýanyń qazirgi jemisi mynaý! Ashattyń «Aınazy» aýyldy aıtpaǵanda, qazir kez kelgen aýdanda joq. On adamdyq monshada jalpy zaly, WIF pen basseıni de bar. Demalyp otyrǵanda ınternet qarap, teledıdar kórýge bolady. Osy qyzmettiń barlyǵyna bir adam saǵatyna 300 teńge ǵana tóleıdi. Bir sózben aıtqanda, bul monshadan aınalymǵa kelmeıtin keıbir shaǵyn monshasymaqtarǵa barǵandaı ne istep, ne qoıǵanyńdy bilmeı, alqynyp, «dińkeń quryp» emes, tazaryp, demalyp shyǵasyń! Al basseınde balalardy qorǵaıtyn arnaý­ly kúrtesheler bar. VIP zaldaǵy qyzmet qymbattaý. Qymbattaý degende qaladaǵydaı emes, bar bol­ǵany 600 teńge. Bul – aýyl tur­­ǵyn­darynyń qaı-qaısysyna da bir apta úshin qoljetimdi baǵa. Ázir­ge Ashat monshany senbi, jek­senbi kúnderi ǵana jaǵyp tur. Tu­ty­ný­shylar qalyp­tasqannan keıin ha­lyq­qa juma kúni de qyzmet etetin bolady. Kóptoǵaıdaǵy osyndaı mon­shanyń boı kóterýine joǵarydaǵy baǵdarlamanyń tıgizgen yqpaly da zor. Iаǵnı, sol baǵdarlamanyń ekinshi baǵytymen «Jetispeıtin ınjenerlik ınfraqurylymdy damytý» úshin 3 mln. teńge jumsaldy. Ol qarajatqa monshaǵa elektr jelisi men sý qubyry tartylyp, káriz júıesi jasaldy. Aınalasy abattandyryldy. Nátıjesinde aýyldyń tórt adamy turaqty jumyspen qam­tylyp otyr. Syrtqy sáýleti men ishki dáýleti jarasqan monsha jańa jyldan bastap kóptoǵaılyqtarǵa sapaly qyzmet kósetýde. Negizgi mamandyǵy muǵalim bol­sa da, ýaqyt aǵymyna ilesken jas kásipker Ashattyń basy tolǵan «ıdeıa». Qııaly ushqyr, qoly epti jigittiń oıymen salynǵan monsha qazir aýyldaǵy eń sáýletti ǵı­marat qana emes, aýyldyqtardyń qa­ladaǵydaı turmystyq ıgilikterge qol jetkizýiniń naqty mysaly deý­ge bolady. Ishki dızaınyn oılas­tyrǵan da ózi. Qabyrǵalaryn qazaq­tyń oıýlarymen órnektegen onyń endigi maqsaty – aýylda temir óń­deý sehyn iske qosý. Ol úshin nesıe alyp, qurylysyn bastady. Ke­leshekte temirden túıilgen qaq­pa, qorshaý sııaqty buıymdar aldymen aýyldastarynyń úılerine sán beredi. Qalyptasqan uǵymǵa súıensek, «teatr kıim ilgishten bastalady». Demek, Ashattyń aýyldastaryna úlgi kórsetip qana qoımaı, aýyl kóshelerin ajarlandyra túsetin kezi qashyq emes. Osynyń barlyǵy Elbasynyń jáne Úkimettiń kásipkerlikti, sonyń ishinde, aýyldaǵy shaǵyn jáne orta bıznesti damytýǵa qoldaý kór­se­týiniń arqasy, qolaıly jaǵdaı tý­ǵyzýynyń nátıjesi ekeni sózsiz. Muny óz isin ashqan árbir kásipker jete túsinýde. Sodan da bolar, qazir kásibinen násibin tabýǵa yntalylar aýylda da kóbeıe túsýde. Bul qa­zirgideı daǵdarys jaǵdaıynda abyrjymaýǵa alǵyshart jasap otyrǵanyn adamdar shynaıy se­zinýde. Sonyń biri biz áńgimelep otyr­­­ǵan kásipker Ashat Nııazov­­tyń qadamy der edik. Satybaldy SÁÝIRBAI, «Egemen Qazaqstan», Serikbaı QOIBAǴAROV, jýrnalıst. Aqtóbe oblysy, Oıyl aýdany.