Ádildiktiń artynan sóz ermeıdi

Men birneshe saılaý ýchaskelerinde bolyp, saı­laýdyń ótýin qada­ǵa­ladym. Buryn ótken saı­laýlarǵa da baıqaýshy bolyp qatys­qanmyn. Sondyqtan da, saılaý ýchaskeleri ashylǵan boıda barýǵa tyrysamyn. Sonda baıqaǵanym daýys berýge aldymen qarttarymyz qadam basty. Saǵat tili 9-dan kete jastardyń belsendiligi ańǵaryldy. Saılaý ýchaskeleriniń materıaldyq-tehnıkalyq jaqsy jabdyqtalǵany ań­ǵaryldy. Saılaýǵa daıyndyq óte joǵary deńgeıde júrgizilgendigine kóz jetkizdim. Saılaý kezinde qaı partııanyń da senimdi ókilderinen renish bola qoı­ǵan joq. Barlyq baıqaýshylarǵa da, se­nim­­di ókilderge de saılaýdyń ótýin baı­qaý­ǵa, qadaǵalaýǵa zań aıasynda jaǵdaı týǵyzyldy. Saılaý ádil ótti. Saı­laýshylar óz tańdaýyn erkin jasady. Eshkim eshkimge daýys berý týraly nusqaý berip, qystaǵan joq. Eshbir ýchaskede komıssııa tarapynan da, saılaýshylar tarapynan da eskertýler, aryz-shaǵymdar bolǵan emes. Saılaý kúni oblystaǵa 526 saılaý ýchaskesinde bizdiń 530 baıqaýshymyz boldy. Olardyń eshqaısysy da saılaý zańdylyǵynyń buzylǵandyǵy týraly derektiń, aryz-shaǵymnyń bolmaǵa­nyn habar­lady. Bárinen buryn bul joly aýa raı­ynyń kúrdeliligine qaramastan, saı­laý­shylardyń belsendiligi joǵary bol­ǵanyn aıtý lázim. Tipti, jolda qalǵan jolaý­shy­lardy saılaý ýchaskeleri jabyl­maı turyp aýyldaryna qam-qareketi jasalǵanyn da estip jatyrmyz. Mu­nyń ózi jergilikti bıliktiń saılaýdy uıym­das­tyrýǵa qansha­lyq­ty nazar aýdar­ǵanyn kórsetse kerek. Muny oblys saı­laýshylarynyń 72 pa­ıyzynyń kún­dizgi 16.00 saǵatqa deıin daýys berip úlger­geninen de ańǵarýǵa bolady. Parlament Májilisi jáne barlyq deńgeıdegi máslıhattar saılaýyna tek saılaýdy ótkizýdi baıqaý jónindegi respýb­lıkalyq qoǵamdyq komıssııanyń ǵana emes, sheteldik baıqaýshylar da qatysty. Baıqaýshylar óz mindetterin óz quzy­reti sheginde, zań aıasynda abyroıly at­qardy deý oryndy. Saılaýdyń ádil ót­ken­digi sondaı, sońynan eshqandaı qańqý sóz bolǵan joq. Eń bastysy da osy. Jáne bir aıtaıyn degenim, «Nur Otannyń» – Prezıdent Tóraǵasy bolyp tabylatyn saıası uıymnyń 82,20 paıyzdyq kórsetkishpen jeńiske jetýi. Osy oraıda, Májilisten basym oryn alatyn partııa ózine kórsetilgen senimdi tolyqtaı aqtaý úshin jumys isteıtinine senimim kámil. Nurlybek MÝSIN, Saılaýdy baıqaý jónindegi respýblıkalyq qoǵamdyq komıssııanyń Aqtóbe oblysyndaǵy óńirlik baıqaýshysy. Aqtóbe oblysy.