Zań buzýshylyq baıqalmady

– deıdi bıyl alǵash ret baıqaýshy bolǵan Saltanat QULShARIEVA – Buryn Saılaýdy baıqaý jó­nin­degi respýblıkalyq qoǵam­dyq komıssııanyń Atyraý oblysy boıynsha óńirlik ortalyǵyna múshe  bolyp pa ediń? – Saılaýǵa qatysyp, daýys berý – ár azamattyń mindeti desek te, osynaý saıası naýqanǵa baıqaýshy bolýdyń jaýapkershiligi joǵary ekenin bilemin. О́ıtkeni, eldegi demokratııanyń órken jaıýyna bul naýqannyń da áseri mol. Sonymen birge, eldiń keleshektegi órkendi damý jolymen júrýine septigi tıeri daýsyz. Sol sebe­p­ten, bıyl saılaýdy baıqaý jónin­degi respýblıkalyq qoǵamdyq komıs­sııanyń Atyraý oblysy boıynsha óńirlik  ortalyǵynyń múshesi boldym. Árıne, bas­tapqyda az-kem júreksindim. Qobaljymadym dep te aıta almaımyn. Sebebi, buryn saılaý barysyn baıqaýshy retinde baqylap kórmeppin. Saılaý ótkenge deıin arnaıy semınar-trenıngterge qatysyp, aldymen «Saılaý týraly» Konstıtýsııa­­lyq zań­­nyń talaptary­men tanystym. О́tken jyly Qazaq­­stan Res­pýb­­­lıka­synyń Pre­zıdenti saı­laýynda baı­qaýshy bolǵan árip­­t­esterim aqyl-ke­ńes­terin aıtyp, tájirıbelerimen bó­listi. Osy­nyń bá­ri baıqaýshy retin­­degi min­detimdi buljytpaı atqarýǵa molynan septesti. – О́ziń baıqaýshy retinde qaı saılaý ýchaskesinde bol­dyń jáne ne baıqadyń? – Men Geolog aýyldyq okrý­ginde ashylǵan №67 saı­­laý ýchas­­kesine bólingen edim. Osy saı­laý ýchaskesinde daýys berý bas­tal­ǵan sátten «Saılaý týra­ly» Kons­tı­týsııalyq zańnyń bu­zyl­maýyn jiti baqyladym. Meni saılaýshylardyń daýys berýge qatysý belsendiligi qýantty. Saılaýshylar daýys berý úshin kezekke turǵanyn kó­rip, eldiń keleshegine beıjaı qa­ra­­maıty­nyn uq­­tym. Osynyń ózi otandastary­myzdyń saılaýǵa qaty­sý azamattyq paryzy ekenin túsi­netinin ań­ǵar­tady. Saılaý ýchas­kesi arnaıy zań tala­byna saı jab­dyq­talypty, mun­da  saı­­laý­shy­­l­arǵa da, baı­qaýshylarǵa da qolaı­ly jaǵdaı jasaldy. – Saılaýdy baqylaý barysynda saǵan shaǵym aıtýshylar boldy ma? – Bul saılaý ýchaskesinde bir­de-bir zań buzýshylyq baı­qal­mady. Saılaýshylar tarapy­nan aryz-shaǵym aıtýshylar da bolǵan joq. О́ıtkeni, bizdiń halqymyz saýat­ty, daýys berý barysynda zań buzý­shy­lyqtyń eldiń demo­kratııalyq  órkendeý bedeline nuqsan keltiretinin jaqsy biledi. Qaı adam óz eliniń bedeli tómendegenin qalaıdy deısiz? Zań buzýshylyqtyń ba­ı­qal­maýynyń astarynan osyny anyq ańǵar­dym desem bolady. Zań buzýshylyqtyń bolmaǵanyn, saılaýshylar, saıası partııa­lar, máslıhattarǵa depýtattyqqa kan­dı­d­attardyń ókilderi tarapynan  shaǵym, ne aryzdyń bolmaǵanyn munda menimen birge saılaý dodasyna túsken saıası partııalardyń baıqaýshylary rastaı alady. – «Nur Otannyń» aıqyn jeńisin qalaı baǵalaısyz? – Jeńis zańdy. Saılaý­shy­lardyń 82,20 paıyz daýys alýǵa búginde tek «Nur Otan» saıası partııasy ǵana laıyqty desem, qatelespeıtinim anyq. О́ıtkeni, osy ýaqytqa deıin elimizde atqarylǵan ońdy isterdi tek Elbasymen, Elbasy Tór­aǵa­sy bolyp tabylatyn «Nur Otanmen» ǵana baılanystyrýǵa bolady. Áńgimelesken Joldasbek ShО́PEǴUL, «Egemen Qazaqstan». ATYRAÝ. Sýretti túsirgen Rahym QOILYBAEV.