Cheshenstannyń Shatoı aýdanynda 9 jasar bala tereńdigi 170 metr quzdan qulap, aman qaldy. Ony tótenshe jaǵdaılar mınıstrliginiń qyzmetkeri qutqaryp alǵan.
Boljam boıynsha, ol taýdan sý alamyn dep qulap ketýi múmkin. «Bir qýanarlyǵy, ol qulap bara jatyp, 80 metr tereńdikte butaqtan ustap úlgergen. Mundaı jaǵdaı oryn almaǵanda 90 metrden keıin jerge qulap, qaza tabýy ábden múmkin edi», – dedi Reseıdiń tótenshe jaǵdaılar mınıstrligi Cheshenstan Respýblıkasy boıynsha basqarma basshysy Rýslan Iаhıaev.
– Osy aıdan bastap memlekettiń týrıstik aýdandarynda qosymsha qutqarýshy beketter qyzmet etip jatyr. Sol qosymsha beketten balanyń týysqandary kómek suraǵan. Osydan soń, oqıǵa ornyna dereý 10 qutqarýshy jiberilip, alpınıstik jabdyqtardyń kómegimen qutqaryp aldy», – dep atap ótti Rýslan Iаhıaev.
Qazir bala Groznyı qalasyndaǵy №2 balalar aýrýhanasynda jatyr. Túrli dene jaraqatyn alǵan. Degenmen, dárigerler jaǵdaıy birqalypty ekenin málimdedi. Al týysqandarymen arnaıy psıhologtar jumys isteýde
Aıan ÁBDÝÁLI,
«Egemen Qazaqstan»