[caption id="attachment_50904" align="aligncenter" width="560"] Foto: inform.kz[/caption]
Qyzylorda oblysynyń ındýstrııalyq-ınnovasııalyq damý basqarmasynyń basshysy laýazymyna Sultangereev Rınat Qaldybekuly taǵaıyndaldy.
Inform.kz-tiń málimeti boıynsha, Rınat Sultangereev Qorqyt Ata atyndaǵy Qyzylorda memlekettik ýnıversıtetin «ekonomıst-menedjer» mamandyǵy boıynsha támamdaǵan.
Eńbek jolyn 2001 jyly Qyzylorda qalalyq eńbek jáne halyqty áleýmettik qorǵaý bóliminiń mamany retinde bastaǵan.
2004-2012 jyldary oblystyq ishki saıasat departamentiniń bas esepshisi, oblystyq máslıhat apparatynyń bas mamany jáne oblys ákimi birinshi orynbasarynyń kómekshisi qyzmetterin atqarǵan.
2012-2014 jyldary oblystyq kásipkerlik jáne ónerkásip basqarmasy, sondaı-aq, kásipkerlik jáne týrızm basqarmasy basshysynyń orynbasary, «Qyzylorda jylý elektr ortalyǵy» kásiporny dırektorynyń orynbasary, al 2014-2015 jyldary oblys ákimi apparatynyń uıymdastyrý-ınspektorlyq jumys jáne aımaqtyq damý bóliminiń bas ınspektory qyzmetinde bolǵan.
2015 jyldyń maýsym aıynan beri Qyzylorda oblysynyń ındýstrııalyq-ınnovasııalyq damý basqarmasy basshysynyń orynbasary laýazymyn atqaryp keldi.
Aıdar О́RISBAEV