Kelisim kepili

bolyp tabylatyn Assambleıanyń áralýan etnostardyń múddesin birtutas ulttyq maqsatqa biriktirýshilik ustanymy jergilikti jerlerde jemisti jalǵasyp keledi Elbasy «Qazaqstan halqy Assam­bleıasynyń «Táýelsizdik. Kelisim. Bolashaǵy Birtutas Ult» ataýymen ótken HHIV sessııasynda: «Qazaqstan halqy Assambleıa­sy – Táýelsizdik jemisi. Assambleıa kez kelgen syn-qater tóngen kezde jáne Táýelsizdiktiń barlyq keze­ńinde árdaıym bıikten tabyldy. Onyń tarıhynda bizdiń ulttyq órleý dáýiriniń kezeńderi men naqty nátıjeleri kórinis tapqan», dep atap kórsetken bolatyn. Iá, elimiz egemendik alǵannan beri basty ıgiligimiz – dostyqqa qylaýdaı kir­shik juqpastan óz jarasymyn taýyp keledi. Osy ýaqyt aralyǵynda ultaralyq, konfessııaaralyq teń quqyqtylyq qamtamasyz etilip, qazaqstandyqtardyń birtektiligi men birlik aýqymy ortaq arnaǵa toǵys­tyryldy. Oblystyq Qazaqstan halqy Assam­bleıasynyń HHI sessııa­syn ashqan óńir basshysy Erik Sul­tanov óz sózin Prezıdent alǵa qoı­ǵan mindetterden bastap, aza­mattardyń teńdigi men etnosaralyq qatynastar turaqtylyǵy máselesine qatysty usaq-túıek bolmaıdy degen paıy­myn alǵa tarta otyryp jalǵastyrdy. Memleket basshysy Qazaqstan halqy Assambleıasynyń jańa fýnksııalyq baǵyttaryna oraı jergilikti qurylymdar men etnomádenı birlestikter aldyna tyń talaptar qoıdy. Mesenattar qo­ǵamdastyǵynyń qyzmetin, daýly máselelerdi sotqa deıingi tártippen sheshetin medıatorlar jelisin damytý, memlekettik rámizderdi qazaq­standyq patrıotızm atrıbýttary retinde azamattardyń qoldanýy aıasyn keńeıtý, otbasylyq qarym-qatynastardy, moraldyq-etıkalyq jáne rýhanı qundylyqtardy ny­ǵaıtý, taǵy basqa máseleler boıyn­sha qoǵamnyń barlyq áleýmettik qyrlarynda úılestirýshilik, bas­tamashylyq ról júkteldi. «Sessııada «Máńgilik El» Pat­rıottyq aktisiniń qabyldanýy ur­paqtar arasyndaǵy sabaqtastyqty odan ári baıandy etýge umtyldyrady. Bul oraıda aldymyzda Máńgilik El uǵymynyń temirqazyǵy ispettes jeti tuǵyryn óskeleń urpaq boıyna sińirý sekildi keń aýqymdy ju­mystar tur», dep atap kórsetti Erik Hamzauly. Oblystyq Qazaqstan halqy Assambleıasynyń hatshylyq meń­­gerýshisi Naıl Salımov «Qaıy­rymdylyq qyzmet týraly» jańa zań sheńberinde mesenattyq qozǵa­lystardyń jandanǵanyn, onyń bir mysaly retinde «Úlken el – úlken otbasy» jobasyna 200 myń adam qatysyp, 284 is-shara ótkizilgenin jetkizdi. «100 naqty qadam» Ult Jos­pary aıasynda «Meıirimdilik kerýeni» aksııasy óz jalǵasyn taýyp keledi. Turmysy tómen, kópbalaly otbasylarǵa, az qamtylǵan jandarǵa, zeınetkerlerge qaıtarymsyz kómek­ter beriletinin aıtty. Reseıdiń Omby oblysynan arnaıy kelgen Altynaı Júnisova óziniń sózinde júzden astam etnos ókilderin bir shańyraq astynda tatý-tátti ómir súrýge qulshyndyryp otyrǵan Elbasynyń saıasatyna tánti ekenin jetkizdi. №17 ulttyq jańǵyrtý mek­te­binde sabaq beretin Petımet Avha­dovanyń izgi birlikke, yrysty yntymaqqa úndegen sózderi jalyndy shyqty. «Svitanok» ýkraın mádenı birlestiginiń tóraǵasy Aleksandr Plotko men «Doslýk» tatar-bashqurt» uıymynyń múshesi Saıdash Ǵaısınge Qazaqstan hal­qy Assambleıasynyń qoǵamdyq «Birlik» altyn medali tapsyrylyp, el birligin, mádenıetaralyq únqatysýdy nyǵaıtýdaǵy, qa­zaq­standyq patrıotızmdi qalyp­tas­tyrýdaǵy úlesteri oryndy baǵa­landy. M.Jumabaev aýdanyn­daǵy «Vıdergebýrt» nemis mádenı uıymynyń múshesi Aleksandr Gamershmıdt oblys ákiminiń al­ǵys hatymen marapattaldy. О́zge belsendiler de syı-sııapatsyz qal­mady. Sessııa sońy túrli etnos ókil­deriniń án keshine jalǵasty. О́mir ESQALI, «Egemen Qazaqstan»  Soltústik Qazaqstan oblysy