Halyqaralyq boks assosıasııasy Rıo-de-Janeırodaǵy olımpııalyq týrnırde jumys istep jatqan birneshe tóreshini jekpe-jekterge bergen baǵalary ártúrli bolyp shyqqandyqtan janjal týǵyzǵany úshin alyp tastady. Bul týraly AIBA-nyń baspasóz qyzmeti habarlady.
Olımpııalyq týrnırde boksshylar men birqatar delegasııalar músheleri AIBA-ny jemqorlyqqa bylyqqan dep aıyptasa, jekpe-jekter tóreshilerin kásibı deńgeıleri tómendigi úshin synǵa aldy.
«Boksshylar tarapynan tóreshiler jumystaryna qoıylatyn shaǵymdardyń, olardyń jemqorlyqqa bylyqqandary týraly sózderdiń kóbeıip ketýine baılanysty AIBA tóreshiler komıssııasynyń shuǵyl otyrysyn ótkizdi. Onyń sheshimine sáıkes, birneshe tóreshi olımpııalyq týrnırde jumys jasaýdan bosatyldy. Sonymen qatar jekpe-jekter nátıjeleri ózgertilmeıdi», - dep habarlady baspasóz qyzmeti.
Damır QOJAMQUL