Elimizdiń 28 joǵary oqý ornynda akademııalyq jáne basqarýshylyq derbestigin keńeıtý joldary engiziledi. Bul týraly keshe Ortalyq kommýnıkasııalar qyzmetinde Bilim jáne ǵylym mınıstrligi Joǵary jáne joǵary oqý ornynan keıingi bilim departamentiniń dırektory Darhan Jumaqanuly aıtty.
Memleket basshysynyń «100 naqty qadam» Ult Josparynyń 78-qadamynda JOO-lardyń akademııalyq jáne basqarýshylyq derbestigin kezeń-kezeńmen keńeıtý qarastyrylǵan. Ýnıversıtetterdiń uıymdastyrýshylyq-quqyqtyq formasynyń kommersııalyq emes aksıonerlik qoǵamǵa jáne formalarǵa aınalýy eń aldymen álemdik tájirıbege jaqyndatady. Olardyń basqarýshylyq derbestigin keńeıtýge, kiristilikti arttyrýǵa jáne qarjylyq model qalyptastyrýǵa baǵyttalǵan. Sondaı-aq bul, jumysqa tartý máselesin derbes sheshýdiń, mamandyqtar men bilim berý baǵdarlamalary keskininde stýdentterdiń kontıngentin qalyptastyrýǵa múmkindik beredi. Akademııalyq derbestik stýdentterdi qabyldaý máselesinde, professorlyq-oqytýshylar quramy men bilim alýshylar arasyndaǵy qatynasty ornatýda, bilim berý baǵdarlamalarynyń, oqý josparlary jáne oqý baǵdarlamalarynyń qurylymy men mazmunyn anyqtaýdaǵy quzyretterdi úılestirýdi topshylaıdy, dedi Darhan Jumaqanuly.
Onyń aıtýynsha, bıyldan bastap, akademııalyq jáne basqarýshylyq derbestigin keńeıtý joldary elimizdiń 28 joǵary oqý ornynda engiziledi. Atalǵan qadamdy iske asyrýda naqty sharalar men JOO-lardyń akademııalyq jáne basqarýshylyq derbestigin keńeıtý joldary qarastyrylǵan. Bıyldan bastap, 28 JOO-da rektorlardy tańdaý jáne baqylaý keńesteri engizilýde. Al 2017 jyldan qajet kásiporyndarǵa kadrlar daıarlaýdy júzege asyratyn bazalyq JOO-larǵa damý baǵdarlamasy negizinde derbestik berý josparlanýda. Atalǵan tájirıbe 2021 jyldan bastap ózge de bilim ordalarynda júzege asady dedi ol.
Raýan QAIDAR,
«Egemen Qazaqstan»