Qazaqty tanytatyn kitaptar

álemniń segiz eline qoıyldy Qundylyq týraly kóz­qaras­tar ár kezeńde ártúr­li sıpatqa ıe bolyp oty­­ratyny bar. Alysqa bar­maı-aq, 90-jyldardyń basyndaǵy jaǵdaıdy eske túsireıik. Aýyldaǵy kitap­hanalar jabylyp, eski kitaptar órtelgen, órt­ten aman qalǵandaryn qy­zy­ǵý­shy­lyq tanyt­qan­darǵa shú­len úlestirgendeı ǵyp ta­rat­qan bir naýqan ótken edi. Elimiz boıynsha qansha kitap­hana jabylǵanyn tap basyp qazir aıtyp bere almaımyz, sondaı-aq, qansha kitaptyń joq bolǵanyn da sanaý múmkin emes. Esesine sol tustardaǵy osy bir ol­qy­lyqtyń orny jańasha bir jaq­sylyqtarmen, jańa­lyq­tarmen tolyǵý ústinde. Bizdiń ómirimizdegi ádebıettiń ornyn, kitaptyń ornyn eshqandaı da qara kúsh basyp ala almaıtynyn sondaıda bir túısinesiń. «Altyndy tot baspaıtyny», «almas qylyshtyń qyn túbin­de jatpaıtyny» sııaqty kez kelgen qundylyqtyń óz deń­geıinde áspetteletin mejeli ýaqyttyń bolatynyn ómir ózi dáleldep keledi. О́tken jyl da jaqsy kitaptardyń, qun­dy kitaptardyń jáne mańyz­dy kitaptardyń adymy uzarýy­men, oqylý jaǵrapııasy keńeıýi­men este qaldy. Kitap ar­qy­ly elimizdi, halqymyzdy tanytý­dyń múmkindikteri týdy. Elimiz táýelsizdiginiń shırek ǵasyrlyq merekesine tartý retinde álem­niń segiz eliniń Ulttyq kitap­hana­larynda «Qazaq ádebıetiniń ortalyǵy» ashyldy. Qazaq halqy týraly, onyń áde­bıeti men mádenıetinen, salt-dástúrinen habardar etetin bul mańyzdy jobanyń avtory – Astanadaǵy Ulttyq akademııalyq kitaphana. Koreıa, Qyrǵyz­stan, Majarstan, Túrkııa, Reseı, Fınlıandııa, Armenııa, Qytaı el­deriniń kez kelgen bilim qýǵan jastary elimizdiń tarıhymen, ádebıetimen, ónerimen jáne osy ýaqytqa deıin jetken jetis­tikterimen tanysty. Mun­daı aqparattarmen ınternette tany­sýdyń jóni bir bólek te, kitap­ty ustap kórip, ony qyzy­ǵý­shylyqpen oqyp tanysýdyń jóni bir bólek qoı. Joǵaryda atalǵan elderdiń mańdaıaldy kitaphanalaryn­daǵy «Qazaq ádebıetiniń ortalyǵy­na» Qazaqstan Respýblıkasy­nyń Prezıdenti N.Nazarbaevtyń «Qazaqstandyq jol», «Tarıh tolqynynda», «G-Global – HHI ǵasyrdyń álemi» atty kitaptary, qazaq halqynyń mádenı murasy bolyp tabylatyn «Qazaqtyń dástúrli 1000 kúıi», «Qazaq halqynyń óleńderi», «Qazaqtyń batyrlyq epostary» jazylǵan CD-dıskiler, basqa da birqatar ádebı kitaptar qoıyldy. «Qazaq ádebıetiniń orta­lyǵy» eń aldymen, Seýl qala­syndaǵy Ulttyq kitaphanada ashylǵan bolsa, Qyrǵyzstan­daǵy ortalyq TMD elderiniń ǵylymı jáne shyǵarmashylyq ıntellıgensııasynyń HI forý­my aıasynda Bishkek qalasynda ashyl­dy, – deıdi Ulttyq akade­mııalyq kitaphananyń basshy­sy, pedagogıka ǵylym­darynyń doktory Úmithan Muńalbaeva. Dál osy Bishkek qalasyndaǵy Ulttyq kitaphanada ashylǵan «Qazaq ádebıetiniń ortalyǵynda» Ú.Muńalbaevanyń «Kitaphana pedagogıkasy» kitabynyń tusaýy kesilgen. TMD-nyń 25 jyl­dyǵy, Qazaqstan Respýblıka­sy Táýelsizdiginiń 25 jyldyǵy, TMD elderindegi bilim merekeleri tusynda Qazaqstan men Reseı­diń mádenı qarym-qatynasy jáne dostyǵynyń nyǵaıa túsýi úshin Reseı Memlekettik kitap­hana­synda ashylǵan «Qazaq áde­bıetiniń ortalyǵy» da elimiz úshin mańyzdy bir oqıǵa. Jalpy, Majarstanda, Fınlıandııada, Túr­kııada, Armenııa men Qytaıda ashylǵan ortalyqtar da Qazaq­stan atty irgeli eldiń bar ekeni­nen, onyń ádebıeti men máde­nıetinen, salt-dástúrinen habar berip, qyzyǵýshylardy ózine tarta túseri sózsiz. Aıgúl SEIILOVA, «Egemen Qazaqstan»