Tıisti qujaty joq úleskerler jumys ornyna ýaqytsha tirkeýge tura alady jáne uzaq ýaqyt aýrýhanada jatatyn naýqastar da sol medısınalyq mekemede ýaqytsha tirkeletin bolady, - dep habarlaıdy "Astana" telearnasy Astana qalalyq Ishki ister departamenti Kóshi-qon polısııasy basqarmasynyń basshysyna silteme jasap.
Al 2-3 aptada onlaın tirkeý engizilmek. Mamandardyń aıtýynsha, azamattardy tirkeý isi qyzmet kórsetý ortalyqtaryndaǵy basqa da qyzmet túrlerine aıtarlyqtaı keri áserin tıgizip jatyr. Sondyqtan jumys oryndaryn kóbeıtýge týra kelgen. Al EKSPO qarsańynda azamattardyń ýaqytsha tirkelýine qatysty jappaı tekserý júrgizilmeıdi. Degenmen, halyqaralyq kórme qarsańynda Astana qaýipsizdigi boıynsha sharalar ótedi, biraq zańǵa moıynsunǵan azamattarǵa bunyń qatysy joq. Ishki ister departamenti qyzmetkerleri, tirkelmegenderdi jazalaý maqsaty turǵan joq, dedi. Aldymen bir aı ishinde eskertiledi, oǵan qulaq aspaǵandarǵa aıyppul salynbaq.