2016 jyly Qazaqstanda jol apattarynan 2 myńnan astam adam qaza tapty, dep xabarlady QR Bas prokýratýrasynyń Quqyqtyq statıstıka jáne áleýmettik esep komıteti.
"Jalpy 2016 jyly elimizdiń joldarynda 17 974 jol-kólik apaty oryn aldy, onda 25 779 adam zardap shegip, 2 390 adam kóz jumdy. Aldyńǵy jylmen salystyrǵanda, apat kólemi 5%-ǵa kemigen", - delingen habarlamada.
Jeltoqsan aıynda elde 1 669 apat oryn alǵan, onda 2 428 adam zardap shegip, 215-i qaza tapqan. Eń kóp apat ótken aıda Almatyda tirkelgen - 431. Ońtústik astananyń eń qaýipti jol ýchaskesi retinde Tóle bı - О́tegen batyr kósheleriniń qıylysy tanylyp otyr. Onda bir aıda 14 jol-kólik apaty tirkelip, saldarynan 29 adam zardap shekti. Sonymen qatar, Tashkent dańǵyly da qaýipti bólik sanalady. Onda 6 jol-kólik apaty oryn alyp, 6 adam jantásilim etken. Joldaǵy ólim-jitim boıynsha, Almaty oblysy kósh bastaýda, óńirde 44 adam kóz jumdy.