Bokstan Qazaqstan ulttyq quramasynyń bas jattyqtyrýshysy Myrzaǵalı Aıtjanov Danııar Eleýsinovtiń kásipqoı boksqa aýysqandyǵy jóninde óz oıymen bólisti. Bul týraly vesti.kz habarlady.
«Danııardyń kásibı deńgeıge qadam basatynyn bilip júrdik. Ol áýesqoı boksta múmkin bolǵan jetistiktiń bárine jetti. Álem, Azııa, Olımpıada chempıony atandy. Tájirıbesi de kóp. Golovkınniń deńgeıine jetedi dep senimdi túrde aıta alamyn. Armanyn júzege asyrý úshin boıynda bári bar», – dedi Aıtjanov.
«Danııardyń kelisimshartyn kórmegendikten anyq-qanyǵyn bilmeımin. Kelesi Olımpıadaǵa qatysatyndyǵy belgisiz. Árıne, Eleýsinovtiń orny erekshe. Biraq ulttyq quramada 69 kıloda laıyqty óner kórsetetin boksshylarymyz jetkilikti», – dedi ol.
Qazaqstandyq sportshynyń jeke bapkeri bolyp ákesi Marat qala bermek. Jattyǵý lageri AQSh-tyń Florıda shtatynda ornalasqan. Munda ol qosymsha amerıkalyq mamandarmen jattyǵady.
Aıta keteıik, Danııar orta salmaqta (66 kg deıin) bokstasady. Promoýterlik kompanııamen kelisimshartqa kelesi aıda qol qoıady. Al alǵashqy jekpe-jegi mamyr aıynda Qytaı astanasy Pekın qalasynda ótýi múmkin. Promoýteri Maık Altamýra onyń eki jyl ishinde álem chempıony ataǵyna qol jetkizetinine senimdilik bildirdi.