Saxo Bank ınvestısııa boıynsha dırektory, bas ekonomıst Stın Iаkobsen 2017 jylǵy makroekonomıkalyq kórsetkishter týraly boljamyn jarııalaıdy.
"2017 jyldyń basty taqyryby - dollardyń bet alysy. Bıyl dollardyń 20 paıyzǵa deıin nyǵaıýy álemniń ekonomıkalyq keıpine kóp ózgeris ákeledi. Al Tramptyń ákimshiligi 20 jyldan bergi "Kúshti dollar - AQSh ekonomıkalyq qýatynyń kepili" degen dogmaǵa senýdi qoıady", - deıdi Stın Iаkobsen.
Bank ekonomısiniń pikirinshe, dollardyń ózindik quny qanshalyqty ózgeretini álem sarapshylarynyń taǵatsyzdana kútip otyrǵan jańalyǵy. О́ıtkeni álemdegi aqsha aýdarymdarynyń 75 paıyzy dollardyń úlesinde.
"Sol sebepti AQSh aqshasy jyl saıyn qazirgideı 20 paıyzǵa nyǵaıatyn bolsa, onyń keri reaksııasy da bolady. Naqtyraq aıtar bolsaq, bazalyq mólsherlemeniń birtindep kóbeıýi AQSh ekonomıkasynyń ósim qarqynyn azaıtady. О́ıtkeni damýshy elder qýatty dollarmen ózderiniń qaryzdyq mindettemelerin óteýde qınalyp qalady", - deıdi maman.
Álemdik iri bankter damýshy elderdiń naryǵyna shamamen 3,6 trln dollar quıdy. Onyń teń jartysy Qytaıǵa tıesili. Osy turǵyda Qytaı ekonomıkasy belgili bir deńgeıde dollardyń qunyna táýeldi.
Sonymen qatar, sarapshynyń pikirinshe, bıyl resessııa (álem boıynsha ónerkásiptik óndiristik uzaqmerzimdi tómendeýi) qaýpi bar. Naryqtaǵy boljam boıynsha resessııa qaýpi 5-8 paıyz bolsa, shyn máninde bul kórsetkish 60 paıyz kórinedi.
Qor naryǵyndaǵy jappaı satylym resessııa kezinde bolatynyn eskersek, eger mundaı daǵdarys bola qalǵanda AQSh ekonomıkasy 25-40 paıyzǵa toqyraýy múmkin.
О́z kezeginde Qytaı ulttyq valıýtalaryn nebary 5-10 paıyzǵa devalvasııalaýy múmkin. Onyń ózi kezeń-kezeńimen júzege asyrylmaq.