Qyrǵyzstan mektepteri 2017 jyldyń ekinshi jartyjyldyǵynan bastap beskúndik oqý júıesine kóshedi, dep habarlady ca-news.org.
Qyrǵyz Respýblıkasynyń Bilim jáne ǵylym mınıstrliginiń habarlaýynsha, osy ýaqyttan bastap jalpy bilim beretin barlyq tıptegi mektepter aptasyna 5 kún oqıdy. Eger aptalyq oqý 30 saǵattan assa, altynshy kúni sabaqtar ótýi múmkin.
"Qazir oqý saǵattary Memlekettik bilim berý standarttarynda bekitilgen. Soǵan sáıkes, oqý 1-5 synypta - 20-30 saǵat, 6-11 synyptarda - 30-33 saǵatty qamtıdy. Joǵaryda aıtylǵan kórsetkishten artsa, ata-analarmen kelise otyryp keıbir sabaqtar aptanyń altynshy kúnine kóshirilýi múmkin", delingen habarlamada.
"Elde beskúndik oqý júıesi mektep baǵdarlamasyn tıimdi etý úshin jasalyp otyr. Bilim sapasy oqý saǵattaryna tikeleı baılanysty. Mınıstrlik sandy emes, sapany tańdaıdy", dedi vedomstvo ókilderi.