Olımpıada chempıony Serik Sápıev Ýnıversıada bolatyn Atletıka aýylynyń ákimi bolyp taǵaıyndaldy, dep habarlaıdy Ýnıversıadanyń baspasóz qyzmeti.
«Qazaqstandyq boksshy, álemniń eki dúrkin chempıony, Olımpıada chempıony Serik Sápıev Dúnıejúzilik qysqy ýnıversıada qonaqtary men eriktileri ornalasatyn Atletıka aýylynyń ákimi bolyp taǵaıyndaldy», - dep habarlady dıreksııa.
Atletıka aýyly ákiminiń mindetine delagasııany qarsy alý, saltanatty sharalardyń ashylýyna, jalaýlardy kóterý rásimderine qatysý kiredi. Sonymen qatar, resmı sharalarmen qosa, Atletıka aýylynyń ákimi qonaqtarǵa jaıly bolýyn da qamtamasyz etýi kerek.
«Atletıka aýylynyń ákimi bolý jáne mynadaı aýqymdy sport sharasyna aralasý men úshin úlken mártebe, jaýapty mindet», - dedi Serik Sápıev.
Aıta keteıik, Atletıka aýylyna 3 000 adam keledi dep josparlanyp otyr. Onda sportshylardan bólek, Reseı, Ýkraına, Ońtústik Koreıa, Qytaı, AQSh jáne ózge de elderden kelgen barlyǵy 100-ge jýyq eriktiler barady. Bas jospar boıyna Atletıka aýylyna 5 000 adam ornalasa alady. Atletıka aýylynyń saltanatty ashylýy 24 qańtarda bolady.