"Tehnologııalyq damý jónindegi ulttyq agenttik" AQ tehnologııany kommersııalaý úshin «3DInnovations» JShS-ǵa 4,3 mln teńge kóleminde grant taǵaıyndady. Kompanııa 3D prınterlerin shyǵarýmen aınylysady, dep habarlaıdy agenttiktiń baspasóz qyzmeti.
3D prınteriniń prototıpi RepRap (Replicating Rapid Prototyper) tehnologııasyn iske asyrý úshin jasalmaqshy. Qurylǵy kompıýtermen jınaqtalǵan model negizinde ózindik bólshekterin jasaı alady.
Joba avtorlary reseılik "Kıparıs" startabynyń tájirıbesin zerttegen.
«Sonymen qatar biz "Skolkovo" ınnovasııalyq ortalyǵynda boldyq. Reseıdiń 3D prınter óndirisiniń kóshbasshysy Picaso3D kompanııasynyń tehnıkalyq qyzmetkerlerinen keńes aldyq. Nátıjesinde qurylǵyny jasaý men ony satý joldary boıynsha biliktiligimizdi arttyrdyq", - deıdi «3D Innovations» JShS dırektory Igor Nasonov.
Aıta keterligi, atalǵan qurylǵylardyń básekege qabilettiligin qamtamasyz etetin eń basty qasıeti onyń ózindik baǵasy. О́ıtkeni, AQSh, Eýropa men Qytaı ónimderiniń baǵasy arzan bolýymen qatar, olardy qurastyrý ýaqyty da jyldam kórinedi.
Qazirgi tańda startap aıyna 4 prınterge deıin shyǵara alady. Aldaǵy ýaqytta aıyna segiz prınter jasaı alatyn deńgeıge jetpek.