Qytaıdaǵy Morı qazaq avtonomııalyq aýdany álemdegi eń úlken kıiz úı murajaıyn salýdy qolǵa aldy, dep habarlaıdy QazAqparat kazak.ts.cn portalyna silteme jasap.
Sanjy Dúngen avtonomııalyq oblysynyń quramyna kiretin Morı qazaq avtonomııalyq aýdany - Qytaıdaǵy qazaq salt-dástúrin jaqsy saqtap, damytyp otyrǵan óńirlerdiń bir. Ásirese, kıiz úı mádenıeti men ulttyq keste tigý óneri sekildi qazaqtyń máıekti mádenıetin órkendetýge erekshe mán berip keledi. Osylaı ulttyq bolmysymyzdy ulyqtap júrgen sheteldegi qazaq aýdany, ózderiniń dástúrshil óńir ekenin taǵy da bir márte dáleldemek. Sol yntamen Morı aýdany álemdegi eń úlken kıiz úı murajaıyn salýdy qolǵa alǵan.
Atalmysh murajaıda qazaqtyń san ǵasyrdan beri jaratqan dala órkenıetiniń barlyq túrin kórsetý josparǵa alynypty. Bul qurylysqa 9 mıllıon ıýan (432 mıllıon teńge) qarjy jumsalatyny josparlanyp otyr.