Orta salmaqta WBA (Regular) belbeýiniń ıesi Dennıel Djeıkobs óziniń qarsylasy Gennadıı Golovkınniń talantyna tánti ekenin málimdedi. Bul týraly sports.kz habarlady.
«Ulym – GGG-diń jankúıeri. Sondyqtan men de onyń jankúıerimin. Al ekeýimizdiń bir salmaqta sharshy alańǵa shyǵýymyz onyń jekpe-jekterin kórmeımin degendi bildirmeıdi. Onyń mansabyndaǵy barlyq aıqastaryn jaqsy bilemin. Ol qazirdiń ózinde-aq aty ańyzǵa aınalǵan jandardyń biri. Onyń kezdesýlerin kórip otyryp, jeligip ketkenimdi bilmeı qalamyn. Kópshilikke onyń nokaýttary unaıdy. Men de solardyń qatarynanmyn. Alaıda, 18 naýryzda bári basqasha órbıdi», – dedi Djeıkobs.