Shyǵysqazaqstandyq ónertapqysh Aleksandr Kochernın júz sharshyly shahmattyń klassıkalyq túrin oılap tapty. Jańa týyndysyna patent alyp úlgergen shahmatshy búginde jas jetkinshekterdi júz sharshyly shahmatqa baýlyp júr. Jalpy, júz sharshyly shahmattyń álemge 28 túri belgili. Alaıda, olardyń eshqaısysy tabıǵat zańdylyǵyna saı kelmeıdi, deıdi óskemendik ónertapqysh.
– Klassıkalyq 64 sharshyly nemese 100 sharshyly shahmattyń qaı-qaısysy da patshaǵa «mat» qoıýdan aıaqtalady. Biraq, men usynyp otyrǵan úlgide patshadan bólek «hanshaıym» men «hanzada» degen taǵy eki tas bar. Eger oıyn barysynda qarsylas tas patshany alyp tastaǵan jaǵdaıda, «bılik» balasynyń, ıaǵnı hanzadanyń qolyna kóship, oıyn jalǵasady, – deıdi Aleksandr Kochernın.
Tyńnan oılap tapqan shahmat úlgisin ózge elderdiń mamandary oń baǵalap otyr. Al Aleksandr aldaǵy ýaqytta atalǵan úlgini áli de damyta túsetindigin jetkizdi.
Dýman ANASh, "Egemen Qazaqstan"
О́SKEMEN.