Astanada VI jyl saıynǵy «Halyq súıiktisi» ulttyq syılyǵyn tabys etý sharasynda Rıo Olımpıadasynda kúmis júlde alǵan qazaqstandyq boksshy Vasılıı Levıtke Olımpıada oıyndary altyn medaliniń kóshirmesi tabys etildi, dep xabarlaıdy QazAqparat.
Aıta keteıik, Brazılııada ótken Olımpıadada Vasılıı Levıt fınalda reseılik boksshy Tıshenkoǵa jol bergen bolatyn. Alaıda tóreshilerdiń sheshimine xalyq úlken narazylyq tanytty. Sol kezde shara uıymdastyrýshysy Ǵalym Baıtuq boksshy Vasılıı Levıtke Olımpıada altyn medaliniń kóshirmesin jasatý úshin xalyqpen birge qarajat jınaýǵa kirisken bolatyn. Keshe bul medal xalyqtyń sportshyǵa degen zor yqylasy retinde saltanatty jaǵdaıda tabys etildi.
«Árıne, osynaý qamqorlyqtyń baryna, xalyq qoldaýynyń baryna óte qýanyshtymyn. Bir jaǵynan bul úlken jaýapkershilik, men bul medaldi alda áli aqtaý kerek dep sanaımyn», - dedi Vasılıı Levıt.