Úkimet úıinde Premer-Mınıstr Baqytjan Saǵyntaevtyń tóraǵalyǵymen Ekonomıka máseleleri jónindegi saraptama keńesiniń kezekti otyrysy ótti, dep habarlady Premer-Mınıstrdiń baspasóz qyzmeti.
Otyrys barysynda bank júıesi jáne ekonomıkanyń mańyzdy sektorlarynyń básekege qabilettiligin qalpyna keltirýdiń ózekti máseleleri talqylandy.
Sarapshylar aldyn ala aǵymdaǵy jaǵdaıǵa taldaý jasap, atalǵan baǵyttar boıynsha birqatar usynystar bergen.
Premer-Mınıstr tıisti memlekettik organdarǵa sarapshylarmen birlesip alǵa qoıylǵan máselelerdi tereńinen zerttep, kelesi otyrysta soǵan baılanysty óz usynystaryn berý týraly tapsyrma berdi.
Eske sala keteıik, Ekonomıka jónindegi saraptama keńesi Premer-Mınıstrdiń ókimimen qurylǵan jáne onyń alǵashqy otyrysy 2016 jylǵy 9 jeltoqsanda ótkizildi.