«Nur Otan» partııasy Almaty qalalyq bólimshesinde «B» korpýsynyń memlekettik ákimshilik qyzmetshilerin attestattaý jóninde áńgime ótkizildi. Bul sharaǵa baılanysty kezdesýde Memlekettik qyzmet isteri jáne sybaılas jemqorlyqqa qarsy is-qımyl agenttiginiń departament bastyǵy Aıgúl Baıhanova partııa belsendilerimen 2017 jyldyń 1 jarty jyldyǵynda ótetin is-sharanyń barysy jóninde áńgimelesti.
Attestattaýdyń maqsaty «B» korpýsyna kiretin qyzmetkerlerdiń kásibı daıyndyǵynyń deńgeıin jáne atqaryp otyrǵan laýazymdaryna sáıkestigin anyqtaý bolyp tabylady. Onda memlekettik qyzmetshilerdiń kásibı deńgeıi, olardyń qajetti bilim dárejesi men daǵdylaryn ıelenýi tórt kezeńde anyqtalatyny belgili bolyp otyr.
Attestattaý komıssııasynyń quramyna «A» korpýsynyń memlekettik qyzmetshileri, ádep jónindegi ýákilder, aldyńǵy deńgeıde sátti ótken qyzmetshiler, ádep keńesiniń músheleri, ǵylymı-saraptamalyq jáne qoǵamdyq birlestikterdiń ókilderi kiredi. Bul shara «100 naqty qadam» Ult josparynda aıtylǵan basymdyqtarǵa baılanysty júzege asyrylmaq.
Saparbaı PARMANQULOV,
«Egemen Qazaqstan»
ALMATY