Ońtústik Qazaqstan oblysynyń ákimi Janseıit Túımebaev Shymkent qalasy, «Tassaı» shaǵynaýdanynda ornalasqan «BIIK» sport kesheninde dzıýdodan áıelder jáne aýyr atletıkadan erler arasyndaǵy QR Ulttyq quramalarymen kezdesti, dep habarlaıdy óńirlik ákimdiktiń baspasóz qyzmeti.
«О́zderińizben Ońtústikte júzdeskenime qýanyshtymyn. Bizdiń óńirde zamanaýı úlgidegi bazalyq sport ortalyqtary az emes. «BIIK» sport kesheni solardyń biregeıi. Sondyqtan sizderdiń osy ortalyqta jattyǵyp, dúbirli dodalarǵa daıyndyq júrgizýlerińiz biz úshin úlken qýanysh. Baıraqty báskelerde qarsylastaryńyzdan árqashan básterińiz bıik bolsyn!»,- dedi óńir basshysy.
Jıyn barysynda oblystyq Dene shynyqtyrý jáne sport basqarmasynyń basshysy Álibek Nurtaev bıyl respýblıkalyq jáne halyqaralyq jarystarǵa qatysatyn oblys sportshylarynyń daıyndyǵy týraly baıandady. «BIIK» sport kesheniniń jumystarymen tanysqan Janseıit Qanseıituly Brızılııada ótken HHHI Olımpıada oıyndarynyń aýyr atletıkadan áıelder arasyndaǵy kúmis júldegeri Jazıra Japparqul men deıýdo kúresinen áıelder arasyndaǵy qola júldegeri Galbadrah Otgonsegsegti el Táýelsizdiginiń 25 jyldyǵy medalimen marapattady.
Aıta keteıik, Ońtústikte 4 oblystyq jáne 4 aýdandyq balalar men jasóspirimder sport mektepterindegi aýyr atletıka bólimderinde 41 bapker 600-ge jýyq balany jattyqtyrady. Sońǵy 25 jylda álemdik jarystarda, Azııa birinshilikterinde oblystyń 11 aýyr atleti top jarsa, onyń 6-aýy jazǵy Olımpıada oıyndaryna qatysqan. Al, oblystyq, qalalyq, aýdandyq deńgeıdegi 35 sport mektebiniń dzıýdo bólimderinde 150 jattyqtyrýshy 3 myńnan astam balany tárbıeleýde.