2017 jyly Eýroodaqtyń qarjy naryǵy saıası turaqsyzdyqqa syzat túsirýi múmkin, deıdi ınvestısııalyq Saxo Bank bankiniń bas qarjy strategi Djon Hardı.
"2012 jylǵy daǵdarystaǵy EO basyna kelgen qıyndyq bıyl taǵy qaıtalanyp, bul jolǵysy odaqtyń birtutastyǵy men ishki saıasatyna kesirin tıgizýi múmkin. Naýryzda Nıderlandy, sáýirde Fransııada, kúzdiń basynda Germanııada ótetin saılaýlar odaqtyń endigi taǵdyryn sheshpek. Al Italııadaǵy burynǵy úkimet basshysy Matteo Rensıdiń uıymdastyrǵan referendýmy men Grekııadaǵy ekonomıkalyq qıyndyqtar odaqty tipten álsirete túspek", - deıdi sarapshy.
Djon Hardıdiń pikirinshe, bıyl jyl basynda eýro eń tómengi shegine jetedi. Tipti Eýropa ortalyq baniniń eýro qunyn saqtaý úshin qatań qarjy-valıýta saıasaty da aımaqtaǵy qarjy naryǵyn qutqara almaıdy.
Qarjy strategi odaqtyń qarjy daǵdarysynan shyǵýy úshin EO elderiniń naqty ekonomıkaǵa basymdylyq berý kerektigin alǵa tartady. Árıne, aımaq eldiriniń naqty ekonomıkalyq ósimin qamtamasyz etý keminde bir jyl ýaqyt almaq, degenmen, sarapshynyń pikirinshe, bul EO birtutastyǵyn saqtaıtyn jalǵyz amal.