Qyrǵyzstannyń Densaýlyq saqtaý mınıstrligindegiler Bishkektegi áýe apatynan aman qalǵan ushqyshtyń aýrýhanaǵa barar jolda qaıtys bolǵanyn habarlady, - dep jazady L!FE. Aldyn ala málimet boıynsha, qaıtys bolǵan ushqysh Túrkııanyń azamaty bolǵan.
Sońǵy málimetterge sáıkes, áýe apatynan qaza bolǵandardyń sany 33 adamnan asqan. Oqıǵa ornyna eldiń premer-mınıstri Sooronbaı Jeenbekov jáne densaýlyq saqtaý mınıstri Talantbek Batyralıev kelgen.
Esterińizge sala ketsek, "Manas" áýejaıynda 16 qańtarda jergilikti ýaqyt boıynsha shamamen saǵat 07.30-da ushaq apaty boldy. Apatqa ushyraǵan júk ushaǵynyń Turkish Airlines áýe kompanııasynyń ıeliginde ekeni anyqtalyp otyr. Al keıinirek Bishkek túbinde qulaǵan ushaqtan 32 adamnyń qaza bolǵany belgili boldy.