Salyq tólemeıtinderge jazany qatańdatý qajet. Bul týraly Búgin QR Parlamenti Májilisinde "Salyqtyq jáne kedendik ákimshilendirýdi jetildirý" taqyrybyndaǵy Úkimet saǵatynda depýtat Nurtaı Sabılıanov aıtty.
«Eshkimge jasyryn emes, qazir memlekettiń qarjysyn talan-tarajǵa túsirý úshin kóptegen kásiporyn jalǵan kásipkerlikke júginedi nemese salyqtan jaltarý úshin kásipkerlik sýbektileri osy jalǵan kásipkerlik arqyly qolma-qol aqshalaryn shyǵaryp alady. Osyǵan baılanysty suraǵym, 2015-2016 jyldary qansha qarajat jalǵan kásipkerlik arqyly aınalymda boldy? Osyǵan sizderdiń taraptaryńyzdan qandaı sharalar qoldanylady? Jalpy, Qylmystyq Kodekstiń 2015-shi babyn ary qaraı da qatańdatý qajet shyǵar. Salyq tólemeıtinderge jazany qatańdatý qajet», - dedi ol Qarjy mınıstri Baqyt Sultanovqa qarata.
О́z kezeginde Sultanov Qylmystyq kodekstiń tıisti babyn ózgertý týraly biraz másele kóterilip jatqanyn atap ótti. «Biz ony qazir qyzý talqylaý ústindemiz. Bas prokýratýramen birge arnaıy jumys toby jumys isteýde. Jazany qatańdatýmen kelisemiz», - degen mınıstr.