Qostanaıda eki jasóspirim belgisiz jarylǵysh zattan qatty zardap shekti. Qostanaı qalasynyń turǵyny áleýmettik jelide aldymen 13 jasar nemere inisi men óziniń 10 jasar inisiniń belgisiz jarylǵysh zatty petarda eken dep, onyń biltesinen tutatyp, sodan kúıip qalǵanyn jazady.Úlken balanyń eki saýsaǵyn jarylǵysh zat julyp ketedi, kishi balanyń jaraqaty jeńildeý bolady.
Biz habarlasqanymyzda muny oblystyq ishki ister departamentiniń baspasóz qyzmeti de rastady. Polıseıler qazir jasóspirimderdiń belgisiz jarylǵysh zattan jaraqattanýy týraly isti sotqa deıin tekserip jatyr. Eki ul da qazir oblystyq balalar aýrýhanasynda jatyr. Aýrýhananyń bas dárigeri Fazyl Temirhanovtyń aıtýynsha, balalardyń jaraqatynyń beti qaıtyp keledi, 13 jasar ul biraz qan joǵaltyp alǵan. Biraq jaǵdaıy jaqsaryp keledi.
Názıra Járimbetova, «Egemen Qazaqstan»