«ALJIR» murajaıynyń qory 1937 - 1938 jyldary qýǵyn-súrginge ushyraǵan QazKSR Densaýlyq saqtaý halyq komıssary Hasen Nurmuhamedovtyń jáne onyń jubaıy «Otanyn satqandar» áıelderiniń Aqmola lagerinde jazasyn ótegen Kıra Bersenevanyń túpnusqa materıaldarymen tolyqtyryldy, dep habarlady Astana ákimdiginiń baspasóz qyzmeti.
Zertteý jumystary barysynda Hasen Nurmuhamedovtyń múshelik jáne áskerı bıletteri, túrmedegi qyrynan jáne qarsy aldynan túsirilgen fotosýreti jáne jubaıy Kıra Bersenevanyń tólqujaty men múshelik bıleti murajaı qoryna tapsyryldy.
Esterińizge sala ketsek, saıası qýǵyn-súrgin jáne totalıtarızm qurbandarynyń «ALJIR» memorıaldy-murajaı kesheni QR Prezıdentiniń bastamasymen 2007 jylǵy 31 mamyrda Aqmol aýylynda burynǵy «Otanyn satqandar» áıelderiniń Aqmola lageriniń ornynda ashyldy. Búginde «ALJIR» murajaıynyń qory on bes myńǵa jýyq jádigerdi quraıdy.