Qyrǵyzstanda qulaǵan ushaqtyńqara jáshigi "Manas" áýejaıynyń mańynan tabyldy, dep habarlady TJ mınıstri Kýbatbek Boronovqa silteme jasaǵan "24.kg" aqparat agenttigi. Qazirgi tańda úsh qara jáshiktiń tek bireýi ǵana tabylǵan.
Onyń aıtýynsha, jáshiktiń jaǵdaıy qalypty. Erteń Qyrǵyzstanǵa Halyqaralyq avıasııa komıtetinen mamandar baryp, "qara jáshikti" zertteıdi. Sonymen qatar Qyrǵyzstanǵa Túrkııadan eki jumys toby barady dep kútilýde.
Esterińizge sala ketsek, 16 qańtarda saǵat tańǵy 7.31-de Bishkektiń Dacha-Sýý aýylynda áýejaıǵa jaqyn jerde Gonkongten Túrkııaǵa bet alǵan júk ushaǵy qulady. Avıalaıner «Manas» áýejaıynan maı quıýdy josparlaǵan. Qyrǵyzstanda 17 qańtar aza tutý kúni bolyp jarııalandy. Sońǵy derekter boıynsha 37 adam qaza tapqan.