Boksshy qarsylasymen kózqaras dýelin ótkizgen kezde ne týraly oılaıtynyn, qandaı kúıde bolatyny jankúıerlerdi qyzyqtyrmaı qoımasy anyq. Gennadıı Golovkın men Dennıel Djeıkobs arasynda ótken dýelge psıholog Irına Novak óz pikirin bildirdi. Bul týraly vesti.kz habarlady.
Tájirıbeli maman qos sportshynyń keıpine baǵasyn berdi.
Gennadıı Golovkın (36-0, 33 KO) – orta salmaqta WBA (Super), IBO, WBC jáne IBF nusqalary boıynsha álem chempıony.
Emosıonaldy. Qozǵalysy kóp. Janary ot shashyp tur. Bul shynaıylyqty ári qajet kezde tıisti sheshim qabyldaı biletinin bildiredi. Reaksııasynyń jyldamdyǵy, soqqylarǵa toıtarys berýi onyń basym ádisiniń biri bolýy múmkin. Tabıǵı kúshtiń arqasynda osyndaı basymdyqqa ıe bolyp otyr. Ol sondaı-aq, qarapaıym balaqaıdan salqynqandy boksshynyń obrazyna birden enip kete alady
Dennıel Djeıkobs (32-1, 29 KO) – orta salmaqta WBA (Regular) belbeýiniń ıegeri.
Emosııasyn bildirmeıdi. Boıyndaǵy kóńil-kúıine erik bermeıdi. Minezi salmaqty, salqynqandy, demek óz isine turaqty. Kópshilik bile bermeıtin kúshke, shydamdylyqqa ıe. Uzaq aıqasta qajetti nátıjege jetýge múmkindigi zor. Úlken jekpe-jekterge árdaıym daıyn. Syrtqy kelbeti qanshalyqty túzý bolsa, qarsylasyna laıyqty soqqylar beredi. Degenmen, Golovkın sııaqty boksshylar ony birbetkeı etýi múmkin.
Qos boksshynyń dýeline taldama
Sońǵy qol alysý – erekshe sát. Golovkın qarsylasynyń ýysyna túsip qalǵan sııaqty. Bul aıqasta Dennıge ese jibergendeı. GGG-dy ózine tartyp, qarsylyq tanytqanmen, kelesi sekýndtarda tıisti deńgeıde qol alysty. Qorytyndylaı kele amerıkalyq boıyndaǵy erik-jigerin qajetti kezde kórsete alatynyn dáleldedi.
Aıta keteıik, qos sportshynyń arasyndaǵy kózqarastar dýeli Nıý-Iorkte uıymdastyrylǵan birlesken baspasóz máslıhatynda ótti. Al jekpe-jek 18 naýryzda Madison Square Garden arenasynda ótedi.