Tru School Sports sarapshysy Brendan Teılor Fightsaga.com saıtyna bergen suhbatynda Gennadıı Golovkın (36-0, 33 KO) men Dennıel Djeıkobs (32-1, 29 KO) arasyndaǵy jekpe-jek týraly óz pikirin bildirdi. Bul týraly sports.kz habarlady.
«Menińshe, bul kezdesý eki ssenarıı boıynsha órbıdi. Birinshisi – Djeıkobs Pıtter Kýıllınge qarsy bokstasqandaı Golovkındi birden soqqynyń astyna ala jóneledi. Biraq GGG ony shybyn shaqqan qurly kórmegendikten, abdyrap qalýy múmkin. Budan keıin Gena úshin bul qarpaıym jattyǵý jumystary sııaqty bolady.
Ekinshisi – Golovkın bul joly da Davıd Lemege qarsy ótkendeı ádisti qoldanady. Iаǵnı, araqashyqtyqty saqtap, urymtal tusta shabýyldaýy múmkin. Rıngte qandaı jaǵdaı bolmasyn Djeıkobs jeńiske jetedi dep oılamaımyn. Onyń ásirese, ıekke baǵyttaǵan soqqysy Dennıdi birden eseńgiretip jiberýi múmkin. Al Gennadıı bul jaǵynan osal emes. Amerıkalyq qara kúshke ıe bolǵanmen, deńgeıi jetkiliksiz. Biraq, qyzyqqa toly birneshe raýnd ótedi degen oıdamyn. Egerde Djeıkobs áriptesiniń qorǵanysy nashar degen oımen sharshy alańǵa shyǵar bolsa, qatty qatelesedi», – dedi sarapshy.
Aıta keteıik, qos boksshynyń arasyndaǵy aıqas 18 naýryzda Nıý-Iorktegi Madison Square Garden arenasynda ótedi.