Búgin oblystyq memlekettik muraǵatta «Batys Qazaqstan oblysy nomenklatýralyq qyzmetkerleriniń anyqtamalyǵy» atty qos tomdyq jınaqtyń tanystyrylymy boldy, dep habarlaıdy «QazAqparat».
Sharaǵa qatysqan oblystyq mádenıet, muraǵattar jáne qujattama basqarmasynyń basshysy Dáýletkereı Qusaıynov jyly lebizderimen bólisti.
Oblystyq memlekettik muraǵat dırektory Aıjan Saýǵabaevanyń aıtýynsha, qurastyrýshylardyń eńbegi mol. Kitapta 1919-1991 jyldary Batys Qazaqstanda gýbernııalyq, ýezdik, oblystyq, qalalyq, aýdandyq partııa komıtetteriniń hatshylary týraly málimetter, barlyǵy 870 basshynyń ómirbaıany berilgen.