Nursultan Nazarbaev Jańartylatyn energııa kózderi jónindegi halyqaralyq agenttiktiń bas dırektory Adnan Ámınmen kezdesti, dep habarlady akorda.kz.
Áńgime barysynda yntymaqtastyqtyń perspektıvaly baǵyttaryna qatysty keń aýqymdy máseleler talqylandy.
Memleket basshysy IRENA agenttiginiń kóptegen elderdiń jańartylatyn energetıka salasyndaǵy kúshin jumyldyrýshy retindegi rólin atap ótti.
Taraptar seriktestik qarym-qatynastardyń tabysty damı beretinine senim bildirdi.
Jańartylatyn energııa kózderi jónindegi halyqaralyq agenttik 2009 jyly qańtarda quryldy. Qazirgi ýaqytta onyń jarǵysyna barlyq kontınenttiń 140-tan astam eli qol qoıǵan.