Almatyda Ýnıversıada-2017 qarsańynda jylytý maýsymyn ótkizý jónindegi shtabtyń kezekti otyrysy ótip, onda qalanyń barlyq ınjenerlik jelileri jumysyna baqylaýdy kúsheıtý týraly sheshim qabyldandy, dep jazdy Ýnıversıadanyń baspasóz qyzmeti.
Bekitiligen keshendi josparǵa saı Ýnıversıada-2017 obektileri qosylǵan ınjenerlik jelilerdiń jylýdy, elektrenergııasyn úzdiksiz berýin jáne basqa da kommýnaldyq qyzmetti 200 arnaıy tehnıka birligi berilgen quramynda 380 ınjener-tehnık qyzmetkerleri bar arnaıy 60 apatty-jóndeý brıgadalary qamtamasyz etetin bolady. Ýnıversıadanyń árbir nysanyna bekitilgen qala kommýnaldy qyzmetteriniń birinshi basshylary men olardyń orynbasarlary, sonymen qatar EKShB-nyń basshylyǵy men mamandary bólingen kúsh pen túrli qondyrǵylardyń barynsha tıimdi jumys isteýin qadaǵalaıdy. Ýnıversıada-2017 nysandaryn jylýmen, sýmen, elektrenergııasymen jáne basqa da kommýnaldyq qyzmetpen tolyq qamtý isine táýligine birneshe ret monıtorıng júrgiziledi.
•
17 Qańtar, 2017
Ýnıversıada kezinde qalalyq ınjenerlik jelilerge baqylaý kúsheıtiledi
440 ret
kórsetildi