Búgin Astana ýaqytymen saǵat 10:00-de Brent markaly munaı quny 55,70 dollarǵa baǵalandy.
Apta basynan beri aıtarlyqtaı ózgeriske ushyramaǵan munaı baǵasy aldaǵy OPEK+ komıteti otyrysynan jańalyq kútedi. 21-22 qańtarda ótetin sharada jyl basynan beri munaı eksporttaýshy elderdiń jyl basynan beri óndiristi qanshaǵa azaıtqany týraly resmı aqparat jarııalanady dep kútiledi.
Investing basylymynyń habarlaýynsha, Saýd Arabııasy energetıka mınıstrliginiń OPEK+ kelisimi mindettemeleriniń sátti júzege asyrylyp jatqany týraly málimdemesi baǵany joǵary kóterse, jekelegen ınvestorlardyń OPEK+ kelisimshartynyń tolyqtaı júzege asyrylatynyna kúmánmen qaraýy baǵany tómen tartýda. Nátıjesinde shıkizat baǵasy balansty ustap tur.