Ýnıversıada kezinde tehnıkalyq, sanıtarlyq jáne ekologııalyq normalarǵa saı emes kólikter Almatyǵa kirgizilmeıdi. Bul týraly búgin QR Úkimet otyrysynda qala ákimi Baýyrjan Baıbek aıtty.
"Aıtýly shara kezinde qalada jaıly ahýal qalyptastyrý úshin quqyq qorǵaý organdary qyzmetkerleriniń jumysy ońtaılandyrylady. Almaty oblysymen birige otyryp tehnıkalyq, sanıtarlyq jáne ekologııalyq normalarǵa saı kelmeıtin kólikterdi qala aýmaǵyna kirgizýdi shekteımiz", - dedi ákim.
"Almatynyń quziretti organymen birlese otyryp qala trafıgi jan-jaqty zerttelgen. 29 qańtar men 8 aqpanda, eki kún qaladaǵy iri 9 saýda oryndary jabylady. Sonymen qatar oqýshylarǵa qosymsha kanıkýl beriledi. Bul qaladaǵy qozǵalysty 30 paıyzǵa deıin azaıtýǵa septigin tıgizbek", - dedi Baıbek.
Ákimniń aıtýynsha, Ýnıversıadanyń barlyq 7 nysany táýlik boıy kommýnaldyq qyzmetke qosylǵan.
"Qalalyq klınıkalardyń materıaldyq-tehnıkalyq bazasy aıtarlyqtaı nyǵaıtyldy. Máselen, 25 emhana, 8 stasıonar, 215 jedel járdem kóligi jáne 370 medısına qyzmetkeri daıyndaldy. Sonymen birge eki aýrýhana bazasynda Qysqy sport túrleri halyqaralyq stýdenttik federasııasynyń standarttaryna sáıkes jedel medısınalyq kómekti qamtamasyz etetin tikushaq alańy eki aýrýhana bazasynda salyndy",- dedi qala basshysy.
Onyń sózine qaraǵanda, sporttyq sharaǵa qatysýshylarǵa 519 kólik qyzmet kórsetetin bolady. Buǵan qosa, qoldanystaǵy 28 avtobýs baǵdaryna qosymsha Ortalyq stadıonnan, Saıahat avtobeketinen jáne Almaty-1 vokzalynan 18 baǵdar ashylady. «Biz qalalyq trafık máselesin de tyńǵylyqty qaradyq. 29 qańtarda jáne 8 aqpanda eki kún 9 iri bazar jabyq bolady. Sonymen qatar qala tuǵyndary men qonaqtarǵa jaıly jaǵdaı jasaý úshin mektep oqýshylaryna qosymsha demalys beriledi. Bul kóshelerdiń júktemesin 30 paıyzǵa tómendetýge múmkindik beredi. Buǵan qosa, ata-analar balalarymen stýdenttik sporttyq oıyndarǵa jáne kóptegen is-sharalarǵa barýǵa múmkindik alady», - dedi Baıbek.