Joǵarǵy hokkeı lıgasynyń turaqty chempıonatynda Qaraǵandynyń «Saryarqasy» Neftekamskiniń «Toros» komandasyn qabyldap, 4:2 esebimen jeńiske jetti.
Alǵashqy kezeńdi qonaqtar óte shıraq bastady. 8-mınýtta Egor Dýbrovskıı esep ashsa, 15-mınýtta dýbl ıesi atandy. Kezeńniń aıaqtalýyna sanaýly sekýndtar qalǵanda Evgenıı Orlov «Saryarqanyń» birinshi shaıbasyn soqty.
Ekinshi 20 mınýtta bas jattyqtyrýshy Vadım Epanchınsevten jańa nusqaýlar alǵan aıdyn ıeleri birden shabýylǵa umtyldy. Nátıjesinde 34-mınýtta Isaak Valıskıı tarazy basyn teńestirse, Evgenıı Orlov mergendigimen tanylyp, qaraǵandylyqtardy alǵa shyǵardy.
Úshinshi kezeńde de aıdyn ıeleri osy ádisterinen jańylǵan joq. 46-mınýtta Pavel Kopytın matchtyń sońǵy núktesin qoıdy.
Qaraǵandylyq komanda kelesi kezdesýin 20 qańtar kúni Voskresenskiniń «Hımık» ujymymen ótkizedi.