Qazirgi ýaqytta Qazaq kınosyn damytýǵa arnalǵan zań jobasy ázirlenýde. Bul týraly búgin Úkimet otyrysynda QR Mádenıet jáne sport mınıstri Arystanbek Muhamedıuly málimdedi. Onyń aıtýynsha, zań jobasy naýryz aıynda Úkimet qaraýyna usynylyp, mamyrda Parlamentte qaralady dep josparlanýda.
«Búgingi kúni búkil kıno salasy «Mádenıet týraly» zańnyń bar bolǵany 6 babymen ǵana retteledi. Kıno óndirisi, prokat, kıno ónimi dıstrıbýsııasy, saqtaý jáne ótken ýaqyttyń biregeı kınolarynyń taralymy prosesiniń qatysýshylary arasyndaǵy ózara qarym-qatynastyń bar qyryn ashatyn normalar joq», - dedi mınıstr.
Onyń aıtýynsha, tek 2016 jyly ǵana Úkimettiń qoldaýymen «Kınematografııa týraly» zań jobasyn ázirleý 2017 jyldyń zań jobasy jumystarynyń josparyna engizildi. Qazirgi ýaqytta tuńǵysh salalyq zań ázirlenip jatyr.